|
O o s t f r e e s l a n d  Achtung:
Ostfriesenwitzfreie Zone
Dat Wapen
De oostfreeske Wapen is al 300 Johr olt un is tosamenklabüstert van enkelte Wapens.
Van't 13. Johrhunnert af an, gaff't in Oostfreesland free Buuren. Man de wussen nix van't normaal Lehenswark. Se harrn kien' Heeren, se gungen na't Upstalsboom bi Auerk un söchten sük hör egen Baas - de Häuptling.
Up't Wapen van Oostfreesland kannst´ vandaag her enkelte Wapens sehn:
- Heel boven links: de Wapen van Cirksenas ut Greetsiel,
- Stuf dortegen: Wapen van tom Brookes ut Brookmerland,
- In't Minte links: de Wapen van Manslagt ut de Krummhörn,
- Rechts d'tegen: Wapen van Ukenas van´t Moormerland,
-
- Unner links: Wapen van Attenas ut Esens,
-
- Rechts d'tegen: Wapen van Häuptling Hero Omken van't Harlingerland.
De Hymn van't Oostfreesland
Nu gifft dat dat Fürstendom Oostfreesland ja noch neet recht un so is'd ok kien offiziell Hymn. Man overall warrd altied een Leed sungen un man kan wall seggen, dat dat de Ostfreesenleed is:
In Oostfreesland is't am besten
In Oostfreesland is't am besten
over Freesland geit der nix!
War sünd woll de Wichter mojer,
war de Jungse woll so fix?
In Oostfreesland mag ik wesen,
anners nargens lever wesen,
over Freesland geit der nix.
Nargens bleiht de Saat so moje,
nargens is de Buur so riek,
nargens sünd de Kojen fetter,
nargens geiht de Ploog so liek,
nargens gifft't so feste Knaken,
weet man leckerder to maken
Botter, Kees' un Karmelkbree.
Nä,'t is nargens, nargens bäter
as war hoch de Dieken staan,
war up't Eiland an de Dünen
hoch herup de Bulgen slaan;
war so luut de Nordsee bullert,
war ji könen up de Dullert
Dreemast-Schepen faren seen.
War in'd Wagen Törf un Kienholt
worden haalt van't Hochmoor her;
war de ganse Welt sück lüstig
makt up't Is bi't Eierbeer;
war s' int Feld mit Kloten scheten,
wor se Bookweit-Schubbers eten,
Harm up Freersfoten geit.
För Oostfreesland, för Oostfreesland
laat ick Blot un Leven geern,
was'k doch man weer in Oostfreesland,
war so mennig söte Deern!
In de Frömde wünsk ik faken:
Kunk doch Moders Breepott smaken;
sat'k doch weer in 'd Hörn bi't Für!
|
(Enno Hektor, 1850)
Reglement för't Reise na Oostfreesland
Jüst in't Urlaubstied fragen uns altied Lü, of dat wat to beachten gifft, wenn man na Oostfreesland will. So'n Visa of so. Un de mesten willen dann ok futt een hebben.
Nu, dat is so: wi finden dat heel moi, dat dat noch Lü gifft, de sück sinnig för hör Ferien rüsten willen, overhopt, wenn't na Oostfreesland gahn sall.
Man dat kön' wi jau vertellen: Een Visa of so bruken ji neet!
Oostfreesland is in de Euopäisk Vereinigung (EU) und ook dat komende Förstendohm sall dor wall inblieben. Ji bruken bloot de Utwies, un de könen ji bi de botschkaft van ostfreesland beandragen. Unner uns: kontroleert ward kieneen...
So, un nu vööl Pläseer in Oostfreesland!
|